२०७९ चैत १५, काठमाडौँ,
दिब्य न्युज संवाददाता।
शंखरापुर नगरपालिका व.नं६ स्थित सि टि भिटिकाे पछाडि पट्टि रहेको जमिनमा निहित स्वार्थ र लोभमा मापदण्ड विपरित प्लटिङ गर्नेले राजकुलो नै छोपेर बाटो बनाएको छ। यही २०७९ चैत ०४ गते स्थानीयहरुले स्थलगत भ्रमण गरी जनप्रतिनिधि, अनमिन,सराेकारवाला, सुरक्षा निकाय, प्लटिङवाला लगायत सम्पूर्णकाे राेवरमा नापजाँच गरिएको थियो।तर हालसम्म पनि समस्या यथावत् नै छ। शंखरापुर नगरपालिकाको भुमि निति कार्यनिर्देशिका अनुसार राजकुलो र खोला मिचेर बनाइएकाे प्लटिङकाे बाटाे अवैधानिक भएको स्थानियकाे ठहर छ। प्लटिङले राजकुलो नै छोपेर ढलान सडक निर्माण गर्दै आएको ५/६ महिना बितिसकेको तर स्थानीय सरकारका जनप्रतिनिधि भने यो विषयमा बेखबर रहेको बताउँछन्।
यस्तै, देशकै संविधान भन्दा विपरित गएर कुनै पनि ठाउँमा भौतिक पूर्वाधार निर्माण गर्दा खोला,खोल्चा र कुलो छोप्न वा त्यसले चर्चेको खुल्ला क्षेत्रलाई ढाक्न पाईदैन।तर यहाँ कुलो माथि नै ढलान गरी प्लटिङले सडक निर्माण गरिसकेपछि स्थानीय झन आक्रोशित बनेका हुन्। नगरपालिका भित्र गरिएको नियम विपरितको प्लटिङ र भु- दोहनको प्रक्रिया दिनानुदिन बढ्दै गएको कारण नगरबासी चिन्तित बनेका छन्।
स्थानीयका अनुसार यतिको सम्म भईरहँदा पनि स्थानीय सरकार, जनप्रतिनिधि लगायत संबन्धित निकाय बेखबर जस्तो भएको र माैन रहेकोमा अब कसैलाई पनि विश्वास गर्न सकिने अवस्था नरहेको बताउँछन्।
