भन्छन् मायाँ देखिन्न
स्पर्श पनि गर्न सकिन्न
मैले त मेरी आमाको मायाँलाई
मज्जाले देखेकिछु
स्पर्श गरेकिछु अनि१
अनुभूति गरेकिछु
मेरी आमाको मीठो म्वाईलाई
हृदय भरीभरी संगालेकिछु
तिम्रै न्यानो मायाँमा
आफूलाई समाहीत गर्दै
जिन्दगीका प्रत्यक आरोह अनि अवरोहहरूमा
दुखसुख्खसँग सम्झौता गर्न
प्रेरीत गर्ने मेरी आमा१
तिमी मेरी सच्चा मार्गदर्शक,
प्रेरणाकि श्रोत अनि१
आरध्य देवी सबै तिमी हौ
विगतलाई सम्झेर
कथा बनाउँन मन लाग्छ
अनि भन्न मन लाग्छ
मेरो बालापन
फेरी आइ दिए पनि हुन्थ्योनी है ?
ती कलिला क्षणहरूमा
मस्तसँग रमाएर
लुटुपुटुगर्न पाए हुन्थ्योनि है ?
मेरा अन्तरहृदयभरी उहि बालापन
उही स्पर्श
मेरी आमाका काम गर्ने
ऊर्जाशील हातहरू
लाग्छ अहिले पनि उस्तै छन्
मायाँले सुम्सुम्याउँने हातहरू
अहिले पनि उस्तै छन्
मेरो प्रत्यक पलमा ख्याल गर्ने मेरी आमा
अस्ति भरखरै
लसून र छ्यापीका गुजुल्टाहरू
हातभरी बटुली रहँदा
म कति मख्ख परेथेँ
वर्तमानले विगत पछ्याइ रहेथ्यो
मेरी आमाका संघर्षशील जीवन अनि१
न्यानो वास्चल्यतालाई मनभरी छताछुल्ल पारी रहेछु
हो, मेरी आमा१ अहिले त
तिमीलाई बुढ्यौली लागेकोछ
क्रमशः त्यो बुढ्यौली
मलाई पनि लाग्नेछ
तर तिमी कत्ति महान है ?
आफू अशक्तताका बावझूध पनि
केरकार पारि सोध्छौ
आज तैँले के खाइस्नी१
त्यसैले त मेरी आमा१
तिम्रो मायाँलाई मैले
अन्तरहृदयभरी संगाली रहेछु
तिमी छौ र त
म पनि छु
तिम्रै अनुग्रह अनिकृपाले
जीवन चली रहेछ
पक्कै चल्नेछ यसै गरी
अझ केहि गर्न बाँकी छ
छोरी हुनुको सार्थकता खोझ्नुछ
तिमी जस्तै कतै नडग्मगाइ
जिन्दगीका हाँक र चुनौतिलाई
पन्छाउँने अठोट गर्नु पर्नेछ
त्यसको लागि के चाहिन्छ थाहाछ ?
तिम्रो प्रेरणा अनि१
तिम्रो आशिर वचन चाहिन्छ
म हर समय त्यसैको प्रतिक्षामा छु
मेरी देवी मेरी आमा१
तिम्रो सुम्सुम्याइमा मख्ख पर्दै
तिम्रै आशिरवादले भरिन पाउँ
मन दुखी हुँदा
धक फुकाएर तिमीसँगै रुन पाउँ
साँच्चै म पनि त बिवशछु
मेरो बिवशतालाई बुझ्छौनी है ?
