२०७९ चैत्र २६,
संवाददाता: सन्तोष प्रसाद तिवारी,
काठमाडौँ।
नेपालमा सहकारी स्थापना भएको ६६ वर्ष पूरा भएको छ । पहिलो सहकारी स्थापना भएको दिनको सम्झनामा हरेक वर्ष चैत २० गते राष्ट्रिय सहकारी दिवस मनाईन्छ ।बूढानीलकण्ठ नगरपालिकामा पनि ६६ औँ राष्ट्रिय सहकारी दिवसकाे अवसर पारेर चैत्र २६ गते अन्तर्क्रिया, गोष्ठी तथा शुभकामना आदान प्रदान कार्यक्रम आयोजना भएको छ ।
कार्यक्रममा संघ, प्रदेश तथा बूढानीलकण्ठ नगरभित्र सुचिकृत सबै सहकारी संघ संस्थाहरुलाई आफ्नो सहकारीको ब्यानर सहित उपस्थिती गराईएकाे थियाे।
‘सहकारीको दिगोपनः स्वनियम र सुशासन’ भन्ने विशेष नारा सहित नगर सहकारी समन्वय समितिको समन्वयमा बूढानीलकण्ठ सहकारी शाखाबाट चैत्र २० गते दिवसकै दिन हुने भनिएको कार्यक्रम संशोधन भएर चैत्र २६ गते मनाईएको हो । नगरको कार्यक्रमको निर्धारित तालिका अनुसार बिहान ०७ः३० बजे वडा नं. ८ बास्केटबल चौरबाट प्रभात फेरी सुरु भएर नगरपालिका कार्यालयमा भेला भई गोष्ठी तथा शुभकामना आदान प्रदान कार्यक्रममा परिणत भएको थियो।
