२०८० जेष्ठ १३, काठमाडौँ।
संवाददाता,
सन्तोष प्रसाद तिवारी ।
जनपक्षीय पत्रकारिताकाे संवाहक गौरवशाली संगठन प्रेस सेन्टर नेपालको १९ औं केन्द्रीय साधारण सभा काठमाडौँको शंखरापुर नगरपालिका अवस्थित सक्व रिसोर्टमा विविध कार्यक्रमका साथ भव्यरुपमा गरिएको छ। कार्यक्रम एतिहासिक एवम् कला संस्कृति ग्राम शंखरापुर नगरमा क्रान्तिकारी पत्रकारहरुको संगठन श्रम अधिकार, समृद्धि र शुशासन, जनपक्षीय पत्रकारिताको लागि भन्ने नाराका सहित प्रेस सेन्टर नेपालले १९ औं बार्षिक साधारणसभा एवम् २१ औं कृष्ण सेन इच्छुक स्मृति दिवस मनाएको हो। कार्यक्रम यही जेष्ठ १२,१३ र १४ गतेसम्म चल्ने जनाएको छ।
कार्यक्रममा प्रमुख अतिथि रहनुभएका सम्माननीय कार्यवाहक प्रधानमन्त्री एवं ने.क. पा.माओवादी केन्द्रका अध्यक्ष पुष्पकमल दाहाल ‘प्रचण्ड ‘ले दीप प्रज्वलन गर्दै कार्यक्रमको उद्घाटन गर्नुभएको थियो। कार्यक्रममा बोल्दै प्रधानमन्त्रीले २१ औं कृष्ण सेन इच्छुक स्मृति दिवसलाई स्मरण गर्दै प्रेस सेन्टर नेपालको १९ औं साधारणसभा को शुभकामना दिनुभयो। साथै काठमाडौँ जिल्ला भरीका पालिकाको नगर मध्ये शंखरापुर नगरपालिकाको एक वडा जित्न सफल भएकोमा निर्वाचित जनप्रतिनिधि एवम् नगर बासीलाई बधाई तथा शुभकामना समेत दिनुभयो।
यसै क्रममा शंखरापुर नगरपालिकाकाे विकास र समृद्धिको लागि पार्टीका नगर अध्यक्ष रक्षे तामाङले प्रधानमन्त्री समक्ष परिपत्र हस्तान्तरण गरेका थिए, भने सो परिपत्रको आफुले सम्मान गर्ने प्रतिबद्धता व्यक्त समेत गर्नुभयो। कार्यक्रममा बोल्दै भ्रष्टाचार नियन्त्रण गर्न सो सँग सम्बन्धित दाेषी कसैलाई नछाड्ने र निर्दोष कसैलाई हानि नपुर्याउने अठोट समेत उहाँले गर्नुभयो। कार्यक्रमको विशिष्ठ अतिथिमा नेपाल सरकारका सुचना तथा सञ्चार मन्त्री रेखा शर्मा सहित नेपाल पत्रकार महासंघ, पत्रकार मातहतका संघ- संस्थाका सदस्यहरु प्रतिनिधिहरू , विविध पार्टी संगठनमा आबद्ध प्रतिनिधि लगायत नेतृत्वहरु, सुरक्षा कर्मीहरु, अन्य पत्रकारहरु, शुभचिन्तकहरू लगायत विभिन्न तह र तप्काका व्यक्तित्वहरुको सहभागिता रहेको स्रोतले जनाएको छ।
