४ कात्तिक ,काठमाडौं । काठमाडौं, टोखा नगरपालिका-११ गणेशस्थान नजिक सडकमा बा.३ ख ७१८० नम्बरको ट्याङकरको ठक्करबाट पैदलयात्री सोही ठाउँ बस्ने ६० वर्षीया फुलमाँया गुरूङको शुक्रबार दिउँसो मृत्यु भएको छ । ठक्करबाट गम्भीर घाइते भएकी उनको शिक्षण अस्पताल महाराजगंजमा उपचारको क्रममा मृत्यु भएको हो । ट्याङकर चालकलाई प्रहरीले नियन्त्रणमा लिएको छ ।
कैलाली, बर्दगोरिया गाउँपालिका-२ स्थित सडकमा बा.७८ प ३६४६ नम्बरको मोटरसाइकलको ठक्करबाट साइकलयात्री जोशीपुर गाउँपालिका-४ हस्नापुर बस्ने ३६ वर्षीय डाटा प्रसाद चौधरीको शुक्रबार राति मृत्यु भएको छ । दुर्घटनामा गम्भीर घाइते भएका उनको बर्दगोरिया अस्पताल बौनिया हुँदै निसर्ग अस्पताल धनगढीमा थप उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।
मकवानपुर, भिमफेदी गाउँपालिका-१ बाघझोरास्थित सडकमा भैसेबाट हेटौंडातर्फ जादै गरेको ना.१७ प २१८९ नम्बरको मोटरसाइकल आफै अनियन्त्रित शुक्रबार राति दुर्घटना हुँदा चालक भिमफेदी गाउँपालिका-१ बैकरोड बस्ने ३४ वर्षीय सुमिन लामाको मृत्यु भएको छ । दुर्घटनामा गम्भीर घाइते भएका उनको हेटौंडा अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ ।
बर्दिया, बडैयाताल गाउँपालिका-३ तमौलिपुरस्थित सडकमा भे.११ प १३०५ नम्बरको मोटरसाइकलको ठक्करबाट पैदलयात्री सोही ठाउँ बस्ने ४२ वर्षीय मान बहादुर थारूको शुक्रबार राति मृत्यु भएको छ । ठक्करबाट गम्भीर घाइते भएका उनको नर्सिंङहोम नेपालगंजमा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।
सप्तरी, विष्णुपुर गाउँपालिका-१ जमुनीस्थित सडकमा राजविराजबाट पत्थरगाढातर्फ जाँदै गरेको स.१० प ४७२ नम्बरको मोटरसाइकल आफै अनियन्त्रित भई शुक्रबार राति दुर्घटना हुँदा चालक बोदेबर्साईन नगरपालिका-१ धनदगढी बस्ने ३५ वर्षीय रेमन्त साहको मृत्यु भएको छ । दुर्घटनामा गम्भीर घाइते भएका उनको गजेन्द्र नारायण सिंह अस्पतालमा उपचारको क्रममा मृत्यु भएको हो ।
बाजुरा, बडिमालीका नगरपालिका-६ जडङगामा बल्देबाट मार्तडीतर्फ आउँदै गरेको सु.प.प्र.०१-००१ त ६८२६ नम्बरको ट्याक्टर शनिबार दिउँसो दुर्घटना हुँदा ट्याक्टरमा सवार सोही नगरपालिका-६ बस्ने ३६ वर्षीय बहादुर दानीको घट्नास्थलमै मृत्यु भएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
