मध्यपूर्वकाे युद्धका कारण अन्तर्राष्ट्रिय बजारमा पेट्रोलियम पदार्थको मूल्यमा निरन्तर वृद्धि

ADVERTISEMENT

काठमाडौं । मध्यपूर्वमा जारी युद्धका कारण अन्तर्राष्ट्रिय बजारमा पेट्रोलियम पदार्थको मूल्य निरन्तर बढिरहेको छ। यसले नेपाल आयल निगमलाई १५ दिनमै करिब ५ अर्ब रुपैयाँ घाटा पुर्‍याएको छ भने पाक्षिक घाटा १३ अर्बभन्दा बढी हुने अनुमान गरिएको छ। नयाँ खरिद मूल्यअनुसार पेट्रोल, डिजेल, हवाई इन्धन र एलपी ग्यासमा उल्लेख्य वृद्धि भए पनि उपभोक्ताको हितलाई ध्यानमा राख्दै पेट्रोल, डिजेल र ग्यासको मूल्य यथावत राखिएको छ। तर हवाई इन्धनको मूल्य भने बढाइएको छ। निगमले बढ्दो अन्तर्राष्ट्रिय मूल्यका कारण उत्पन्न अवस्थालाई ध्यानमा राख्दै उपभोक्तालाई इन्धनको मितव्ययी प्रयोग गर्न आग्रह गरेको छ।

यो खबर पढेर तपाईलाई कस्तो महसुस भयो ?