६ वैशाख, काठमाडौं । बुढानीलकण्ठमा अनलाईन बाटै घरमै बसेर कर भुक्तानी गर्न सकिने भएको छ। बुढानीलकण्ठ नगरपालिकाले कर भुक्तानीका लागि सेवा ग्राहीलाई सजिलोकाे लागि अनलाइन सेवा सुरु गरेको हो । सेवाग्राहीलाई सहज बनाउने उद्देश्यले अनलाइन कर भुक्तानी सेवा सुरू गरेको नगरप्रमुख मिठाराम अधिकारीले बताउनुभएको छ । अनलाइन सेवा प्रयोग गर्न जान्ने जो कोहीले पनि स्थानीय कर अब आफ्नै घरमा बसेर भुक्तान गर्न सक्नेछन् । पालिका आएर कर भुक्तान गर्दा लामो सय खर्चनुपर्ने र पालो पर्खनु पर्ने झन्झटबाट मुक्त भएको अधिकारीले बताउनुभयो ।
सेवा प्रवाहमा सूचना प्रविधिका नविनतम् उपाय, उपकरण, विधि र माध्यमहरूको प्रयोग गरी छिटो, पारदर्शी, जबाफदेही र जनमुखी सेवा प्रवाह गर्ने मुख्य उद्देश्य भएको अधिकारीले बताउनुभयो । यहाँ नगद रहित राजस्व सङ्कलन गर्न मिल्ने गरी क्युआर भुक्तानी समेतको सुरुवात गरिएको छ । नगरपालिका मात्र नभई यहाँका १३ वटै वडामा कर अनलाइन तिर्ने व्यवस्था गरेको राजश्व अधिकृत सञ्जय ढुङ्गानाले जानकारी दिनुभएको छ ।
