काठमाडौं। सरकारले विभिन्न सार्वजनिक निर्माण तथा आपूर्ति कार्य समयमै सम्पन्न नगर्ने ११ वटा निर्माण कम्पनीलाई १ देखि ३ वर्षसम्मका लागि कालोसूचीमा राखेको छ। सार्वजनिक खरिद अनुगमन कार्यालयका अनुसार कृष्ण कन्स्ट्रक्सन, सेविका कन्स्ट्रक्सन एन्ड इन्जिनियरिङ कन्सल्टेन्सी, बेहडाबाबा निर्माण सेवा, विजयश्वरी निर्माण सेवा, दिनकर कन्स्ट्रक्सन तथा ललिता अम्बाय सप्लायर्स एन्ड कन्स्ट्रक्सन कम्पनीलाई १ वर्षका लागि कालोसूचीमा राखिएको छ।
त्यसैगरी लोहनी एन्ड ब्रदर्श, राजेन्द्र निर्माण सेवा, थेगिम कन्स्ट्रसन र सेविका कन्स्ट्रक्सन एन्ड इन्जिनियरिङ कन्सल्टेन्सी (सम्बन्धित निर्णयअनुसार) लाई डेढ वर्षका लागि कालोसूचीमा समावेश गरिएको छ। ओमबुद्ध कन्स्ट्रक्सनलाई भने सबैभन्दा बढी ३ वर्षका लागि कालोसूचीमा राखिएको कार्यालयले जनाएको छ। कार्यालयका अनुसार कालोसूचीमा परेको अवधिभर ती निर्माण व्यवसायी तथा आपूर्तिकर्ताले कुनै पनि सार्वजनिक निकायको खरिद प्रक्रियामा सहभागी हुन पाउने छैनन्।
