तलब–भत्ता वृद्धि कार्यान्वयनसँगै अर्थ मन्त्रालयको कडाइ

ADVERTISEMENT

काठमाडौं । अर्थ मन्त्रालयले चालु आर्थिक वर्षको साउन १ गतेदेखि लागू हुने नयाँ तलबमानअनुसार सार्वजनिक संस्थान, प्राधिकरण, बोर्ड, निगम तथा समितिका कर्मचारीको तलब, ग्रेड र प्रोत्साहनभत्ता उपलब्ध गराउन चार सर्त पालना गर्न निर्देशन दिएको छ। मन्त्रालयले नयाँ तलबमानअनुसार तह र पदका आधारमा तलब निर्धारण गर्न भनेको छ। हाल पाइरहेकोभन्दा प्रोत्साहनभत्ता कम हुने अवस्थामा घटेको रकम बराबर मात्र थप भत्ता दिनुपर्ने व्यवस्था गरिएको छ।

कार्यसम्पादन सूचकमा आधारित प्रोत्साहनभत्ता क्रमशः लागू गर्न तथा नयाँ ग्रेडदर पुरानोभन्दा कम भएमा सोहीअनुसार ग्रेड निर्धारण गर्न पनि निर्देशन दिइएको छ। अर्थ मन्त्रालयको सहमतिबिना थप आर्थिक दायित्व सिर्जना हुने गरी अन्य भत्ता तथा सुविधा वृद्धि नगर्न समेत सम्बन्धित निकायलाई स्पष्ट निर्देशन दिइएको छ।

यो खबर पढेर तपाईलाई कस्तो महसुस भयो ?