गौरादह वडा नं.४ स्थित धरधरे-डिल्लीबाध हुँदै दामुना जाने सडकखण्ड ठेकेदार कम्पनीको लापरवाही, ढिलासुस्ती र सरोकारवाला निकायको उदासिनताका कारण अलपत्र परेको छ। यो सडकको स्तरोन्नति र मर्मतका लागि गत वर्षअघि नै काम थालिएको थियो। तर अहिले सडकको अवस्था गत वर्षको भन्दा पनि निरासजनक भएको सर्वसाधारणको गुनासो छ। यो सडक कोशी प्रदेश अन्तर्गत भौतिक पूर्वाधार विकास मन्त्रालयको योजना छनोटमा परेका थियो l ठेकेदारको ढिलासुस्ती र लापरबाहीका कारण सडक योजना समयमै कार्यान्वयन हुन नसक्दा यो योजना अलपत्र परेको हो। अहिले सडकमा बालुवा र गिटी लापरवाही पुर्वक थुपारीएर नसम्याई छाडिएको छ l सडक निर्माणको जिम्मा लिएका निर्माण व्यवसायी काम छाडेर सम्पर्कविहीन भएका छन्। पूर्वाधार विकास कार्यालय तथा वडा नं.४ का वडाअध्यक्ष दुर्गामणी बस्नेतले पटक–पटक निर्माण व्यवसायीलाई ताकेता गर्दा पनि निर्माण व्यवसायी सम्पर्कमा आउने नसकेको वडाअध्यक्ष बस्नेत बताउनुहुन्छ । १० करोड ठेक्का सम्झौता भएको उक्त सडकखण्डको बारे थप जानकारी लिन भौतिक पूर्वाधार विकास मन्त्रालयको वेवसाइटमा पुग्दा त्या रहेको वार्षिक कार्यक्रम र बजेट शिर्षकको अप्सन नै लोड हुँदैन/खुल्दैन।
सडक विस्तारको काम नहुँदा अत्यावश्यक सवारीसाधनलाई समेत सम्बन्धीत क्षेत्र सम्म पुग्न असहज हुने गरेको स्थानीयवासी बताउनुहुन्छ l बीच सडकमा थुपारिएको गिटीवालुवा, ढुंगाले पैदलयात्रु, दैनिक विद्यालय सम्म पुग्ने बालबालिका र सवारीसाधन समेत जोखिममा परेको यूवा जीवन कटुवालले बताए। वर्खाको समय आउंदै गर्दा अझै पनि कार्य पूर्ण रूपमा सम्पन्न नहुँदा कुनै अप्रीय घट्ना नघटन भन्न सकिदैन l
