राष्ट्रिय वाणिज्य बैंकको ६१औँ वार्षिकोत्सवमा रक्तदान तथा स्वास्थ्य शिविर सम्पन्न

Dibay News
२०८२ माघ ९ गते, शुक्रबार १०:१६

काठमाडौँ । राष्ट्रिय वाणिज्य बैंकको ६१औँ वार्षिकोत्सवको अवसरमा आयोजित कार्यक्रम अन्तर्गत रक्तदान तथा नि:शुल्क स्वास्थ्य शिविर सम्पन्न भएको छ । बैंकको केन्द्रीय तथा प्रादेशिक कार्यालयहरूमा सञ्चालन गरिएको रक्तदान कार्यक्रममा ४१३ जनाले रक्तदान गरेका छन् ।

त्यसैगरी सिंहदरबार प्लाजामा आयोजित नि:शुल्क स्वास्थ्य शिविरमा २५० जना कर्मचारीले स्वास्थ्य परीक्षण गराएका छन् । शिविरमा सुमेरु अस्पतालका चिकित्सकबाट डायबिटिज, युरिक एसिड, आँखा तथा मृगौला परीक्षण सेवा नि:शुल्क प्रदान गरिएको थियो ।
राष्ट्रिय वाणिज्य बैंक २०२२ सालमा स्थापना भई माघ १० गते ६१औँ वर्षमा प्रवेश गर्दैछ । हाल बैंकले देशभर ३१३ शाखा मार्फत बैंकिङ सेवा प्रदान गर्दै आएको छ।