सन्तोष प्रसाद तिवारी।
२०८० साउन २७, काठमाडौँ । काठमाडौंको चप्पल कारखाना स्थित शंखपार्कमा बृहत रक्तदान कार्यक्रम भएको छ । लायन्स क्लब अफ टेम्पल गणेशको आयोजनामा ग्राण्डी अन्तर्राष्ट्रिय अस्पताल काठमाडौंको समन्वयमा साउन २७ गते शनिबार सो कार्यक्रम भएको हो । कार्यक्रम बिहान ११:०० बजेदेखि बेलुका ४:०० बजेसम्म सञ्चालन हुने समाजसेवी तथा सञ्चारकर्मी राजन थापाले जानकारी दिएका छन।
विभिन्न महामारीका कारण रगत अभाव भइरहेको अवस्थामा बृहत रक्तदान कार्यक्रम आयोजना गरिएको सम्बन्धित संस्थाले जनाएको छ। खुल्ला रक्तदान कार्यक्रममा सहभागी भइ रक्तदान गर्ने लायन्स क्लब अफ टेम्पल गणेशको अध्यक्ष अप्सरा आचार्यले सबैलाई आग्रह गरेकी थिइन् ।
करीब ६० जनाको सहभागितामा ४५ पाउण्ड रगत जम्मा गरिएको स्रोतले जनाएको छ। वर्षाको झरी संगै रक्तदान कार्यक्रममा सहभागिताका उपस्थिति देख्दा साच्चै नै रक्तदान जीवनदान नारा अतिउक्ति रहेको यो कार्यक्रमबाट प्रष्ट हुन्छ।
