२९ चैत, काठमाडौं।।इस्लाम धर्मावलम्बीहरूको महान चाड ईद-उल-फित्रको अवसरमा कोशी प्रदेशका मुख्यमन्त्री मा.परशुराम खापुङले शुभकामना व्यक्त गरेका छन्। शुभकामना सन्देश मार्फत् पत्रमा लेखिएका छ-इस्लाम धर्मावलम्बी- हरूको महान चाड ईद-उल-फित्रको पावन अवसरमा स्वदेश तथा विदेशमा रहनुभएका सम्पूर्ण नेपाली इस्लाम धर्मावलम्बी दाजुभाई तथा दिदीबहिनीहरूमा सुख, शान्ति, समृद्धि, सुस्वास्थ्य एवम् उत्तरोत्तर प्रगतिको लागि हार्दिक मंगलमय शुभकामना व्यक्त गर्न चाहन्छु । हजरत मुहम्मदको स्वीकृतिमा मनाउँदै आएको यस पर्वमा अल्लाहसँग प्रार्थना गरी सामुहिक हर्षबढाईका साथ शुभकामना आदानप्रदान गर्ने परम्परालाई हृदयङगम गर्दै आज हामीले पनि शुभकामना आदानप्रदान गरेका छौं। ।शुभकामना सन्देश।
हाम्रो मुलुक बहुलजाति, बहुलभाषा, बहुसंस्कृति, बहुधार्मिक विशेषताले युक्त सुन्दर देश भनेर चिनाउन यस्ता चाडपर्वले विशेष भूमिका खेलेका छन् ।इद पर्वले नेपाली समुदायमा धार्मिक, सांस्कृतिक सद्भाव कायम राख्दै भातृत्व एवम आपसी सहिष्णुतालाई थप प्रगाढ तुल्याई मौलिक संस्कृति र परम्पराको संरक्षण, सम्वर्द्धन तथा विकास गर्ने कुरामा विश्वास लिंदै फेरि पनि यस पर्व भव्य र सभ्य रूपमा सफल होस् भन्ने हार्दिक शुभकामना व्यक्त गर्दछु ।
