११ जेठ २०८१/
महेश दाहाल ,कतार । खोटाङ सेवा समाज कतारको १२औं अधिवेशन ३१ मे २०२४ मा सम्पन्न हुने भएको छ । कतारको नेपाली सामाजिक संस्थाहरु मध्ये जेठो संस्थाको रुपमा स्थापित खोटाङ सेवा समाज कतारको एघारौँ कार्यकाल सफलतापुर्वक सम्पन्न गर्दै १२औं अधिवेशनको लागि संस्थाका पदाधिकारिहरु तिब्र तयारीमा जुटेकाे स्रोतले जनाएको छ।
प्रवासको पसिना स्वदेशको साकार सपना भन्ने मुल नारा सहित सन् १९९८ जनवरी ३१ तारिकमा स्थापना भएको संस्थाले विभिन्न आरोह-अवरोहहरु पार गर्दै १२औं अधिवेशनको सम्मुखमा आइपुगेको छ । गृह जिल्ला खोटाङ र कतारमा सामाजिक कार्यमा सकृय संस्थाले शिक्षा स्वास्थ्य र खेलकुदको क्षेत्रमा उल्लेख्य सहयोग गरिसकेको संस्थाका प्रमुख सल्लाहकार रुद्र शर्माले बताए ।
विभिन्न पेशा ब्याबसायमा आवद्ध खोटाङेहरुको भब्य उपस्थिति रहने अपेक्षा सहित संस्थाको १२औं अधिवेशन प्लाजा मलको वेल्फेयर रेष्टुरेन्टको सभाहलमा सम्पन्न हुने महासचिव पर्शुराम श्रेष्ठ पवनले बताए साथै अन्य ब्याबस्थापकिय तयारी अन्तिम चरणमा पुगेको हुदाँ कतारमा रहेका सम्पुर्ण नेपालीहरुलाई कार्यक्रममा उपस्थित भएर भब्य रुपले सफल बनाइदिन अध्यक्ष कैलाश श्रेष्ठले अनुरोध गरेकाछन् ।
संस्थाको अधिवेशनलाई मध्यनजर गर्दै साधारण सदस्यता खुल्ला गरिएको हुँदा कतारमा रहेका सम्पुर्ण खोटाङे हरुलाई यथाशीघ्र सदस्य बन्न तथा सदस्यता नविकरण गर्न सबैलाइ संस्थाको फेसबुक पेज मार्फत् सुचित गरिएको हुँदा स्वतस्फूर्त ढङ्गले संस्थाका पदाधिकारीहरुलाई सम्पर्क गर्न उपाध्यक्ष डिल्लिशेर खड्काले अनुरोध गरेको जनाए। सांस्कृतिक तथा साहित्यक रुपमा आफ्नो छुट्टै पहिचान बनाएको खोटाङ जिल्लालाई कतारमा पनि प्रबर्द्धन गर्ने उदेश्य सहित कार्यक्रममा सांस्कृतिक प्रस्तुतीको साथमा साहित्यको उच्च संयोजन रहने उपाध्यक्ष बलराम लोप्चनले बताए ।
