सन्तोष कुमार कडारा/
२० साउन , बाजुरा । बाजुरा जिल्ला स्वामिकार्तिक खापर गाउँपालिका वडा न. १ जोरु बस्ने नन्दे कुमालकी १५ वर्षिय छोरी आकाशी कुमालको डोजरले फालेको ढुङ्गा लागेर हिजो सनिवार घटना स्थलबाट उपचारका लागि नजिकैकाे स्वास्थ्य चाैकि लैजाने क्रममा प्राथमिक स्वास्थ्य केन्द्र कोल्टिको गेटमा पुग्ने बित्तिकै मृत्यु भएको छ ।
जोरु देखि गोठी गाउँ सम्मको रोड कटान गर्नको लागि ठेक्काको डोजरले रोड काट्ने क्रममा माथिबाट आएको ढुङ्गाले गाई लिन गएको बेला अधारी खोला भन्ने ठाउँमा बालिकालाई लागेको र उपचारका लागि प्राथमिक स्वास्थ्य केन्द्र लगिएको बुझिएको छ। स्थानीयका अनुसार आफन्तहरुलाई सब बुझ्नको लागि रु २ लाख ५० हजार अहिले दिने र बाँकी रकम पछि दिने भन्ने बुझिएको छ।आफन्तहरूले यस कुरामा सहमत नजनाए पनि केही टाकुरे हरुले भने भित्र भित्रै सहमती गरि सकेको बुझिएको छ।
अहिले बालिकाको सव प्राथमिक स्वास्थ्य केन्द्रमै रहेको र केही आफन्तहरू ले यसको बिरोधि जनाएको बताइएको छ भने जो जति पाउनु पर्ने रकमको त्यो सबै एक मुस्ठ पाउनु पर्ने आफन्तहरुको माग रहेको छ। उसो त पछिल्लो समयमा गाउँ गाउँमा बिकासको लागि केही सुधार भए पनि मान्छेको मृत्युको कारक पनि बनी रहेको छ । रोड काट्ने क्रममा ठेकेदारले र समितिहरुले समयमै जानकारी नगराईकन काम संचालन गर्नाले यस्तो दुर्घटना दिनानुदिन हुने गरेको पाइएको छ। खास गरि भन्नू पर्ने हो भने बर्खाको समयमा असार ,साउन ,भदौ महिनामा डोजरले बाटो खन्न नपाउने नै प्राबधान छ। यसो हुँदा पनि किन स्थानीय सरकारहरु चुपचाप छ्न??भन्ने आफन्तहरुको प्रश्न रहेको छ।
