संगिता खतिवडा ।
काठमाडौं, २०८२ कार्तिक २४/ नेपालको पहिलो वाणिज्य बैंक नेपाल बैंक लिमिटेडले देशकै अग्रणी ई-कमर्स प्लेटफर्म दराजसँग अनलाइन भुक्तानी सेवा सम्बन्धी सम्झौता गरेको छ। सम्झौताअनुसार नेपाल बैंकमा खाता भएका ग्राहकहरूले दराजमार्फत सामान खरिद गर्दा विशेष छुट पाउने भएका छन् सम्झौता पत्रमा नेपाल बैंक लिमिटेडका तर्फबाट निमित्त सहायक प्रमुख कार्यकारी अधिकृत दीपेन्द्र राज काफ्ले र दराजका तर्फबाट प्रोजेक्ट लिड (डिजिटल पेमेन्ट तथा फाइनान्स सर्भिसेस) रिसब थापाले हस्ताक्षर गरेका हुन्।
यो योजना २०८२ साल कार्तिक २५ गते (२०२५ नोभेम्बर ११) देखि लागू भई २०८२ साल मंसिर ६ गते (२०२५ नोभेम्बर २२) सम्म सञ्चालन हुनेछ।सम्झौता अनुसार- नेपाल बैंकका ग्राहकहरूले दराजमार्फत अनलाइन सामान खरिद गर्दा डेबिट कार्डबाट अग्रिम भुक्तानीमा अधिकतम १५ प्रतिशत वा रु १,५०० सम्म,र क्रेडिट कार्डबाट अग्रिम भुक्तानीमा अधिकतम २० प्रतिशत वा रु २,००० सम्म छुट पाउनेछन्।
बैंकले ग्राहकलाई आफ्नो कार्डमा ई-कमर्स सेवा सक्रिय गर्न तथा क्रेडिट कार्डका लागि आवेदन दिन आग्रह गरेको छ। यसका लागि ग्राहकले बैंकका कुनै पनि शाखामा सम्पर्क गर्न सक्नेछन्। नेपाल बैंकले पछिल्ला वर्षहरूमा डिजिटल सेवा विस्तार र नविनतामा जोड दिँदै आएको छ। दराजसँगको यो साझेदारी बैंकका ग्राहकहरूलाई अनलाइन खरिदमा थप सहजता र लाभ उपलब्ध गराउने उद्देश्यले गरिएको हो। विज्ञप्ति-:
