५ मङ्सिर,काठमाडौँ । कृषि विकास बैंक लिमिटेडले आर्थिक वर्ष २०८१/८२ को मुनाफाबाट शेयरधनीलाई लाभांश वितरण गर्ने प्रस्ताव सहित साधारण सभा बोलाएको छ। बैंकले मंसिर २९ गते सोमबार केन्द्रीय तालिम प्रतिष्ठान, बोडे–भक्तपुरमा उन्नाइसौं वार्षिक साधारण सभा आयोजना गर्ने जनाएको छ। उक्त सभाले हाल कायम चुक्ता पूँजीको ३.५ प्रतिशत बाेनस शेयर तथा बोनस वितरणमा लाग्ने कर प्रयोजनका लागि ९.७५ प्रतिशत नगद लाभांश वितरण गर्ने विशेष प्रस्ताव पारित गर्नेछ। बैंकले साधारण सभामा प्रस्तुत गर्ने अन्य एजेन्डा पनि तय गरेको छ।
लाभांश तथा साधारण सभा प्रयोजनका लागि बैंकले मंसिर १४ गते बुक क्लोज गर्ने निर्णय गरेको छ। यस अनुसार मंसिर ११ गतेसम्म नेप्सेमा कारोबार भई नामसारी भएका शेयरधनी मात्र साधारण सभामा सहभागी हुन र बैंकले प्रस्ताव गरेको लाभांश प्राप्त गर्न योग्य हुनेछन्। कृषि विकास बैंकले यो लाभांश प्रस्ताव पारित भएपछिको वितरण प्रक्रिया सभापछि सुरु गर्ने जनाएको छ।
