मंसिर २०, काठमाडौं । नेपाल बैंक लिमिटेड र क्यूरा हेल्थ प्रा. लि. बीच बैंकका कर्मचारी तथा ग्राहकहरूलाई लक्ष्यित गरी विशेष स्वास्थ्य सेवा छुट प्रदान गर्ने सम्झौता सम्पन्न হয়েছে। सम्झौता अनुसार ललितपुरको ज्वागलमा अवस्थित क्यूरा हेल्थ प्रा. लि.ले नेपाल बैंकका कर्मचारी तथा बैंकमा खाता रहेका ग्राहकहरूलाई विभिन्न स्वास्थ्य सेवामा लाग्ने शुल्कमा १२ प्रतिशतदेखि २५ प्रतिशतसम्म छुट प्रदान गर्नेछ।
सम्झौता बमोजिम प्याथोलोजी ल्याबका विविध सेवाहरू, विशेषगरी निःशुल्क होम स्याम्पल कलेक्शन सुविधा सहितका सेवा तथा विभिन्न हेल्थ प्याकेजहरूमा उल्लेखित दरका छुट उपलब्ध गराइनेछ। मिति २०८२ साल मंसिर १९ गते सम्पन्न उक्त सम्झौतामा बैंकको तर्फबाट बजारीकरण तथा अनुसन्धान डिभिजनका प्रमुख श्री निर्मल सुवेदी र क्यूरा हेल्थ प्रा. लि.का प्रबन्धक श्री शीतल प्रसाद पोखरेलले हस्ताक्षर गरेका छन्। यो सम्झौता कार्यान्वयनमा आएपछि नेपाल बैंक लिमिटेडका कर्मचारी तथा ग्राहकहरू क्यूरा हेल्थ प्रा. लि.द्वारा प्रदान गरिने विभिन्न सहुलियतपूर्ण स्वास्थ्य सेवाबाट लाभान्वित हुने अपेक्षा गरिएको छ।
